حصري النور نيوز | معملتش حاجة غير اني اتجوزت وبحاول أكون أم كويسة

خرجت الفنانة مي فاروق للرد على الهجوم المثار حولها بشأن  حفل زفافها وحملة الانتقادات التي طالتها والشائعات التي انتشرت بشأن عدم فرحة أبنائها بهذا الزواج، مشيرة إلى أنها لا تفعل أي شيء إلا برضائهم لأنهم أهم من أي شيء لديها.

مي فاروق: ولادى كانوا فرحانين في فرحي معرفش الناس مالهم 

وقالت مي فاروق في مداخلة هاتفية رصدها موقع تحيا مصر عبر برنامج الحكاية الذي يقدمه الاعلامي عمرو اديب على قناة mbc مصر: انا معملتش حاجة أنا اتجوزت بس واليوم كان حلو وكل اللي كان جايين جايين بفرحة وولادي كانوا فرحانين كدة ومعرفش الناس مالهم ومعرفش عندي أعداء ولا لا وكل الناس اللي في حياتي علاقتي بيها طيبة.

وتابعت مي فاروق حديثها، قائلا: أنا مبعلمش حاجة عشان أرضي الناس وكل اللي يهمني أرضي ربنا وأكون أم كويسة لأولادي، أنا قعدت 6 سنين أم عايشة لأولادي فقط ولوحدي اي المشكلة أما اتجوز قدام الناس كلها وطول الوقت بحاول أكون في حالي بس الناس مش كدة.

مي فاروق ترد على حزن أولادها في حفل زفافها 

واختتمت مي فاروق حديثه، قائلة: محدش يعرف عن حياتي الشخصية حاجة وأولادي نمرة واحد في حياتي وكل حاجة تيجي بعدهم وأهم حاجة عندي يكونوا مرضيين ومبسوطين وبحاول طول الوقت أكون ست قد مسؤوليتهم.

من جانبه، قال عمرو أديب مدافعا عن مي فاروق: إنسانة وليها حياة وهي من أهم المطربين في السنوات الأخيرة.. ومجرد أنها قررت تتجوز وياسلام على اللي حصلها بقى وكأنها عملت مشكلة.

ريهام حجاج تدافع عن مي فاروق 

وكانت قد خرجت ريهام حجاج أيضا للدفاع عن مي فاروق، قائلة: ليه بنكسر فرحة ست محترمة و جميلة يوم فرحها و نحرم حلال ربنا و بنتدخل في حياتهم ونتطاول عليهم.. ليه بجد؟ ليه باقينا كده؟.. ده إذاء الناس من الكبائر اللي ناسي، وافعل يا ابن آدم ما شئت فكما تدين تدان.

وكانت قد احتفلت مي فاروق ومحمد العمروسي منذ بضعة أيام بحفل زفافهما وسط حضور المشاهير وعدد ضخم من نجوم الفن والإعلام الذين حرصوا على تهنئتهم بحفل زفافهم وأعربوا عن سعادتهم بهم، وشهد حفل الزفاف تواجد أبناء مي فاروق الذين ظهروا في مقاطع الفيديو وهو يتراقصون مع والدتهم ومع الفنان محمد العمروسي.